schwiizerdütsch vs änglisch

ha letschti mal dur mini blogposts da duregläse und liecht belustigt gse, dassi am afang uf änglisch gschriibä han und mich erinneret, dassis damals so geil gfundä hett, dasses alli chönd läse und wie cool dasses isch, änglischi sachä z schriibä, willi au gfundä han, es tönt halt no vill lässiger. aber ich bin eifach en riisä fan vo schwiizerdütsch und au vo selber erfundnä wörter und sprachemix. und so z schriibä wieni dänk und fühl hät ä ganz anderi qualität und echtheit für mich. und natürli nimmi mir d freiheit, slogans wie “shut up & smell” uf änglisch z machä, wills eifach grad so ufechunt und dänn mängisch eifach grad vill chüschtiger isch.

übrigens hani da au d kommentarfuntion usegno, wills vill zwenig gnutzt wordä isch und vom layout her dänn so sperrig usgseht, mit däm leere kommentarfeld.

uf patreon chasch mitschriibä und det au dini fragä und playlists und lacher teilä. ich freumi, wennd det mitriitisch. und natürli da dich im newsletter iischriibsch. über jedä kanal chunt öpis eignigs und ergit dänn es gsamtbild.