hey gester hani ufem heiweg i mim intervallfastä app nach rezept ideeä gstöberet und bi ufes rezept gstosse, womi dä titel azogä hät - und dänn di gnauere aagabe mit speerangelwiitem muul krass verschreckt hät. natürli zimmli sicher isch da bide übersetzig was schief gloffe und de pilz chasch im lade eh nöd chaufe. aso kei gfahr für pilzunkundigi. aaaber das ime rezept z gse ischmer scho iigfahrä 😆😵‍💫

intervallfaschtä neu interpretiert😂 das isssisch nur einisch und dänn nieeeeee meeehhh.

ha s rezept dänn als story uf insta teilt, so im sinn vo: lachemer überrascht schockiert mitenand.

hey und obwohl e grossi zahl vo accounts schiints diä story ‚gse‘ hät, teils au gherzlet, hät nur ein mensch überrascht reagiert.

aso villicht:

• hend 99% kei ahnig vo pilz

• lueged di meiste nöd wüki dä shit wos durescrolled a

• presänz im moment isch en wunschtraum

• dini aasichte zahl bide stories isch e illusion

• weniger erwartig, meh meditation

https://de.wikipedia.org/wiki/Gr%C3%BCner_Knollenbl%C3%A4tterpilz