brot

inä neui welt itauche. düft. per fume. durch den rauch. weltä erschaffe. schmöckä und sii. s blabla en moment liiiser dimmä. und da isch au scho so vieles vorgä. dä style vode bilder, d art vode beschriibig, überhaupt beschriibige. ich wott en ungwohntä weg beschriitä. öpis wo usem schlaf weckt. (das schriibi no um, isch nochli zu chaotisch, aber lies schomal wiiter und gspür zwüschä dä ziilä, u will get it)

da chunt mir e gschicht in sinn;

vor so öpä 5 jahr, im dezember mit es paar fründe wintersunnewendi fiirä und es eignigs wiehnachtä wo andersch isch als das mit dä eltere.
alli bringed öpis fürs buffet mit und zwar bringt jede mensch das mit, wo er grad am meiste luscht druf hät hüt und es bliibt gheim und wird nöd vorab diskutiert.
weisch wie geil, so sind alli glücklich, will jede macht schomal sich selber glücklich und mir erfahred öpis über dich, uf was du grad stasch. ich find diä idee dä obershit.
hät leider nöd funktioniert. sofort iiwänd. “nei, mir münd schochli abmachä, susch häts dänn nur brot, aso mir bringed ofegmües und es poulet mit. wer bringt salat, wer dessert?”
hey und das vo öperem wo vermeintlich sozägä wild läbt (ich ha damals wild no andersch definiert oder definitiv ab dänn) und au en afüerigsschlusszeiche künstlerbruef hät. aber wie seit mini tochter, kreativ isch, wer im läbe kreativ isch, oder so. aso dä iiwand isch öpis vom langwiiligschtä und unkreativschtä ever gsi und betoniert vorgäni strukture. konditioniert bis an bach abä. simmer aso doch erwachsä worde und verehräd di vorgähne ustrampletet altä wäg. wo au wundervoll sind, aber usglutscht und es chriblet nüt i mir.
en guete.

und so gluschtets mi au, freie neui weg zgha mit dä düft. machsch mit? oder häsch angst vor brot?